Kutuma maombi kwa hazina
Nani anaweza tuma ombi
Ili kutuma ombi upate hazina, lazima:
- Uwe unaishi katika jimbo la Washington
- Uwe na angalau umri wa miaka kumi na nane
- Uwe umeathirika kwa kiasi kikubwa na tandavu hii (kama vile kupoteza kazi, uwe umeambukizwa na virusi, au kumtunza mtu wa familia aliyeambukizwa na virusi)
- Usiwe unafaa kupata dola za msaada za serikali au pesa za bima kwa asiyekuwa na kazi kwa sababu ya hali ya uhamiaji.
Jinsi ya kutuma maombi
Unaweza tuma maombi kwa lugha zifuatazo: Kichina, Kiingereza, Kifaransa, Kigarifuna, Kihindi, Kikorea, Kisomali, Kihispania,Swahili, Kitagalogi/Kifilipino, au Kivietinamu.
- Kabla ya kuomba, unapaswa:
- Kusanya hati zako za utambulisho na makazi. Unaweza kukagua orodha ya vifaa vilivyoidhinishwa katika immigrantreliefwa.org
- Kokotoa wastani wa mapato ya kila mwezi ya kaya yako.
2. Bonyeza kitufe cha "APPLY" kwenye ukurasa wa programu kisha nenda kwenye kitufe cha "REGISTER" na uunda Akaunti ya Utafiti wa MonkeyApply. Dakika chache baada ya kujiandikisha utapata barua pepe ya kuthibitisha akaunti yako. Tafadhali hakikisha unathibitisha akaunti yako.
3. Kamilisha maswali yote ya maombi. Hii inaweza kuchukua muda. Unaweza kuhifadhi programu yako na kurudi wakati wowote.
4. Mara tu utakapomaliza na programu yako tafuta kitufe kikubwa cha kijani "SUBMIT" kutuma maombi yako.
Baada ya kuomba, tafadhali hakikisha uangalie kikasha chako cha barua pepe au folda ya barua pepe isiyofaa kwa uthibitisho wako. Utapata pia uthibitisho wa ujumbe wa maandishi siku utakayowasilisha maombi yako. Unaweza kuingia tena na uangalie hali ili uone ikiwa programu yako inakaguliwa na ikiwa umepewa ufadhili. Tafadhali wasilisha ombi lako mara moja tu.
Ikiwa hutaki kukamilisha kujaza maombi yako mtandaoni unaweza kuchapisha fomu yako ya maombi hapa na kuituma kwa anwani S.L.P #84327, Seattle WA 98124 [link to PDF for mailing]
Ikiwa unahitaji msaada, bonyeza hapa, au piga simu 1-844-724-3737 (Jumatatu-Ijumaa kutoka 9 asubuhi hadi 9 alasiri).
Stakabadhi zinazohitajika
Kabla ya kutuma maombi, utahitajika kuwa na stakabadhi fulani zitakazo kutambulisha na unapaswa kuwa unaishi katika jimbo la Washington kwa sasa. Kwa mfano, unaweza kutoa nakala ya kitambulisho cha jimbo/serikali, leseni ya udereva, au bili ya matumizi iliyo na jina lako na anwani yako. Tazama orodha kamili ya stakabadhi zinazokubalika katika sehemu yetu ya maswali yanayoulizwa sana.
Salama na imelindwa
Maelezo yako ya kibinafsi hayatasambazwa kwa hiari kwa serikall, ICE, watekelezaji sheria, Mpangishaji wako, mwajiri wako, au mtu yeyote. Wale ambao wana uwezo wa kuona maelezo yako ya kibinafsi ni wadhamini wasaidizi (shirika la jamii linalosimamia hazina) na chama cha mikopo cha Seattle (linalosambaza pesa). Maelezo yote yamehifadhiwa kwa njia salama kwa mfumo fiche kwa hivyo hayawezi kufikiwa.
