Abuinchagüda luagu seinsu?
Kátaña gayarabaña habuinchagüdün luagu kapá le?
Anihán bamegeirun lun babuinchagüdün luagu kapá le:
- Lun Washington estóu la baganawa
- Lun barühadibu la 18 irumu
- Lun gárigihali la lidani sandi le buagu (kéiburi lafeidirúniwa wadagümanu, lañawarihaní sandi le buáguti, odi teni ba lun iduhei le dagali sandi le luagu/)
- Anhein mafidi bubéi lun babihin seinsu lúmagien meni-meni uruwei odi tídangien lachourgüle mawadigiméiduni
-
How to apply
lidan Mirí-tagachürügü, Alunduna, Faransu, Garifuna, Achiguli, Koreanu, Somaliana, Asibañulu, Suahili, Tagalo/Filipinu, odi Vietnámuna.
- Anuhán katoun lun badügün lubaragien babuinchagüdün:
- Óundarabóun sun bigaradan lánina uruwei tabu lánina aganóuwagülei Meriga. Gayarati barihinu amegeirútu lidan immigrantreliefwa.org
- Ageisihabéi átürüñein la seinsu agañeirúti múnadoun le ságüti hati.
- Dunbei budún “APPLY” tidan ubanaü tani gárada lánina abuinchagüdüni, ñeingien me, aban me báfayahan lidoun budún lánina "REGISTER", ñeingien aban me badügün aban (SurveyMonkey Apply Account). Fiú lúbara dan lárigi babürüdüniwa, babihuba aban emeili lun lóuchawagüniwa babürüdün.
- Gúnfulibóun sun álagüdahóuni tidan gárada lánina abuinchagüdüni. Lanügaraüba dan. Gayarati bareidunu abuinchagüdüni, aban me bagararagún bárigoun furumienguárügü dan
- Lárigi bagumuchun tau bigaradan lánina abuinchagüdüni daribei budún árübana le wéiribei “SUBMIT” lun bóunahanun.
Lárigien bóunahanu, fulesi lun bachouruni lun bachikürüni bani emaili íbini le emeili hímerugu lun badeirunu bánharúagüle. Babihuba giñe aban bürüti lidoun bilanbaran ariengei luweyuri bóunahanu gárada lánina abuinchagüdüni. Másianbei lunya babelurun lun bachekürüni tigaburi gárada to babuinchagüdüboun, anhein arihúwaru tubéi luma anhein abihabáli lubéi seinsu. Fulesi lun abanrügü la wéiyasu bóunahanu bigaradan.
IAnhein mabusienrún bubéi babuinchagüdünu gárada tidan lafanseha dimurei, gayarati basagarunu abuinchaguágülei ya, aban me baposurunu lidoun P.O. Box #84327, Seattle WA 98124. print the application here
Anhein megei bubéi ídemuri, aliha, odi waba lidoun 1-844-724-3737 (Leindi lun Wándaradi 9 AM-9PM)
Dugumendu to amegeirúwaboun
Dan to babuinchagüdün, megei badibu bíchugun turuyeri dugumendu lun barufuduni buáguti luma baganówagüle uguñeti lidan Washington estóu. Kéiburi gárada tau biyawa, aban águburahóuwagülei kei to lánina igemeri odi lánbara múnadatu, odi aban gárada lárigi bafayeihan. Arihabóun tagei dugumenduagei to ánharúwati tun, tidan álagüdahóuwagüle.
To View the full list of acceptable documents in our FAQ.
Choru lian sefu ligía
Mafareinrúnwabei tíladina babuinchagüdün ítaraguárügü luma uruwei ni hama hulahüñü, ni hama iyubudirigu odi amu mutu. Ha rügüñanu gürigia tidan Scholarship Junkies (to adamuridáguni to arihuboun lau seinsu) tuma Seattle Credit Union (Ha afareinrubani seinsu) arihei sun le bíchugubei tidan gárada lidan babuinchaguágüdün. Sun tilagei gariñagunti ligaburi lareidúniwa lun siñá la lasagarúniwa.
