Gayarati babuinchagüdün lun babihin aban fáyeiti sügülügüti le $1,000 luagu ka gürigia, lun másügürün la lau $3,000 tuagu ka úbieni. Gayarati babihini seinsu tidan chekü odi tidan gárada lánina ideweisei to Visa.

Anihán bamegeirun lun babuinchagüdün luagu kapá le:

• Lun Washington estóu la baganawa
• Be at least 18 years old
• Lun barühadibu la 18 irumu
• Lun gárigihali la lidani sandi le buagu (kéiburi lafeidirúniwa wadagümanu, lañawarihaní sandi le buáguti, odi teni ba lun iduhei le dagali sandi le luagu/)

Anhein mafidi bubéi lun babihin seinsu lúmagien meni-meni uruwei odi tídangien lachourgüle mawadigiméiduni  

Ayé, gayarati habuinchagüdün sun tílana buban ha fíditiun lun seinsu le, ñeingien ti lun hóustaña la 18 irumu.  Ka gürigia lunti labuinchagüdünu gárada lánina áluguni hóungueina. Chülü hamoun 3 gürigia lun gayara la habihini seinsu (chülü $3,000 tuagu ka úbieni)

lidan Mirí-tagachürügü, Alunduna, Faransu, Garifuna, Achiguli, Koreanu, Somaliana, Asibañulu, Suahili, Tagalo/Filipinu, odi Vietnámuna.

Anuhán katoun lun badügün lubaragien babuinchagüdün:

1. Óundarabóun sun bigaradan lánina uruwei tabu lánina aganóuwagülei Meriga.  Gayarati barihinu amegeirútu lidan immigrantreliefwa.org
   Ageisihabéi átürüñein la seinsu agañeirúti múnadoun le ságüti hati.
2. Dunbei budún “APPLY” tidan ubanaü tani gárada lánina abuinchagüdüni, ñeingien me, aban me báfayahan lidoun budún lánina "REGISTER", ñeingien aban me badügün aban (SurveyMonkey Apply Account). Fiú lúbara dan lárigi babürüdüniwa, babihuba aban emeili lun lóuchawagüniwa babürüdün.
3. Gúnfulibóun sun álagüdahóuni tidan gárada lánina abuinchagüdüni.  Lanügaraüba dan.  Gayarati bareidunu abuinchagüdüni, aban me bagararagún bárigoun furumienguárügü dan
4. Lárigi bagumuchun tau bigaradan lánina abuinchagüdüni daribei budún árübana le wéiribei “SUBMIT” lun bóunahanun.

Lárigien bóunahanu, fulesi lun bachouruni lun bachikürüni bani emaili íbini le emeili hímerugu lun badeirunu bánharúagüle. Babihuba giñe aban bürüti lidoun bilanbaran ariengei luweyuri bóunahanu gárada lánina abuinchagüdüni.  Másianbei lunya babelurun lun bachekürüni tigaburi gárada to babuinchagüdüboun, anhein arihúwaru tubéi luma anhein abihabáli lubéi seinsu. Fulesi lun abanrügü la wéiyasu bóunahanu bigaradan.

Anhein mabusienrún bubéi babuinchagüdünu gárada tidan lafanseha dimurei, gayarati basagarunu abuinchaguágülei ya, aban me baposurunu lidoun P.O. Box #84327, Seattle WA 98124. print the application here.

Anhein anihein lubéi álagüdahóuni buma, waba houn Washington Immigrant Solidarity Fund (WAISN) lánbara lun sun dan lidoun 1-844-724-3737 (Leindi lun Wándaradi 9AM-9PM). Anihein ídemuri sagü weyu lúmagien 6 binafin lun 9 guñoun, lárigi, badeiruba mutu lun hídehan lidan saragu iñeñe.


Lárigi babuinchagüdün, babihuba iseri tuáguti babuinchagüle áluga lídangien emeili luma bürüti lidoun bilanbaran. Hasubudiragüdübei bun lidan 3 dimasu lárigi babuinchagüdün anhein ánhawa lubéi tun bálugun.  Anhein ánhawa tun bálugun babihuba fáyeiti lidan 2 dimasu lárigi lira.


Kei le gébeha la seinsu, mama sun abuinchagüdütiñu lun habihubei la.

Anuhán buri dugumentu to gayarati bóuserunu lun barufuduni kátabu la luma baganóuwagüle Washington State. Fulesi lun ñein ta iyawaü to harumatu buma:

1. Aban katoun tídangien Lista A, odi
2. Aban katoun tídangien Lista B tuma Lista C

*You may use this letter template for this application. 

Sun le bíchugubei buwougua ya mafareinhóuwabei lau lumerengun luma uruwei, hama hulahüñü, ni hama tágüdaha odi hama taburee múnagei, ni hama iyubudirigu, labu ni ka uma.. Sun uwaguti le lareidúba lau gariñaguní lun lásienrun lasagarúniwa.Le ligaburi wadaradun luma Sétanu lun Mútuhabuni labu Átuadi lidan Washington Estóu, ha rügüñanu mutu tídangien Scholarship Junkies (to hóundarun gürigia to arihuboun lau seinsu), gayara habelurun tidoun abuinchagüdüni tuma ti Fair Work Center, tabu Seattle Credit Union (ha afareinrubani seinsu). Mafareinrun wabóun buágutu ni ka uma amu.  Mémegi, anhein dügü ñüburi aban áluguni lúmagien lábuti lúrudu, másianrúnti lau lábugien ñein la lúrudu lun wígiragüdüni uwaguti le lánina gürigia. Hénreguti lun lanügüba la le fulasu, mémegi, másiarúnti.

Óundaraguni to hani lasuriniatiñu lidan bürürü Washington—hagía meme ha aguarubaña lun ladeirún kapá. Íderúwatiñu túmagien Sétanu Lánina Mútuhabu luma Latenirún lun Átuadi.